Salam rindu salam sayau ngagai semua kita, aku enggau ati ti lantang deka mantaika buah runding enggau penemu senentang kaul antara menua. Keterubah ia aku meri terima kasih ka sukung kita ba penemu enggau buah runding, aku arapka semua buah penemu nya pulai ka pemujur enggau penguntung ngagai semua urang. Kaul antara menua tu tau dikumbai urang kaul antara kitai semenua enggau urang ka sama genturung pendiau ka beserimbai pendiau ka enda jauh enggau kitai diau. Kaul tu tau meri penguntung enggau pemaik ngagai semua urang laban bisi sepekat udah ditanggam ari aum. Kaul antara menua mega diatur diantara tuai-tuai rumah serta penghulu. Kaul tu mega kena nyaga enggau ngibun sepekat enggau atur pengawa antara rumah panjai kelebih agi maya penusah ka nuntung datai. Ambi ka banding enti rumah sebuah bisi penusah tasah baka angus rumah ka beserimbai pendiau rakyatya tau meri sukung enggau mantu baka pemakai, gari serta alai endur diau sementara. Tu mega tau ngelempung ngagai urang ka empu penusah. Naka nya dulu cerita kitai ka sekali tu betemu baru kitai ba topik ka bukai. Aku meri selamat bejalaika pengawa ngarapka lantang senang selalu Tuhan seruran merekatka kitai. Mupuk dulu aku. Bai bai.
